Apel Eisteddfod yr Urdd 2014

Eisteddfod yr Urdd

Dymuna Pwyllgor Apel yr Urdd ardal Talsarnau ddiolch yn ddiffuant am bob ccymorth a chefnogaeth i sicrhau ein bod ni wedi cyrraedd y targed o £4,000. Diolch yn arbennig i Gyngor Cymuned Talsarnau am eu cyfraniad hael o £1,500 tuag at yr achos ac i bawb sydd wedi cefnogi digwyddiadau, amleni rhodd a phrynu nwyddau

Pont Briwet Trosolwg

Economi Ardal Pont Briwet yn Dioddef

Bellach mae pobl ardal Ardudwy yn dechrau dod i gynefino â gorfod teithio i fyny i Faentwrog ac i lawr yn ôl I Penrhyn er mwyn croesi’r Afon Dwyryd. Mae hyn yn golygu 4 milltir i fyny i Faentwrog a 4 milltir pellach i gyrraedd Penrhyn. Mae hyn yn ychwanegu yn sylweddol at yr amser teithio – gryn ugain munud ar gyfartaledd. Ond mae’n rhaid hefyd gofio fod system gonfoi yn gweithredu ar filltir a chwarter o’r ffordd – sef y rhan o’r ffordd sydd yn droellog ac yn arbennig o gul mewn mannau.

darllen mwy

Pont Briwet

Peryglon Ffordd Maentwrog

Yn gynharach y mis hwn, deallwn i ambiwlans a’i golau glas yn fflachio gael ei dal rhwng Llandecwyn a Maentwrog am yn agos i ugain munud gan fod cerbydau mawr llydan yn methu pasio ei gilydd ar y ffordd gul droellog hon. Mae sefyllfa fel hon yn gwbl annerbyniol.

Fel y gwyddoch, mae’n siwr, penderfynwyd cau Pont Briwet i draffig ffordd ers ychydig ddyddiau cyn y Nadolig yn dilyn canfod ceudyllau ar wyneb y ffordd wedi eu creu yn ôl pob sôn gan bydredd yn y coed sy’n cynnal y ffordd.

darllen mwy