Ewch i'r galeri lluniau
Dathlu canmlwyddiant T Llew Jones
I ddathlu canmlwyddiant geni T Llew Jones gwisgodd disgyblion Ysgol Talsarnau fel cymeriadau o lyfrau'r awdur. Yr enillwyr oedd Ellis Williams, Sioned Evans, Guto Morrus Annwyl a Ceri Ann Williams.
Llongyfarchiadau ichi blant a gobeithio eich bod chi'n cael blas ar y storiau.
Dathlu 80
Llongyfarchiadau cynnes iawn i Mrs Frances Griffiths, Bryn Mor, Talsarnau ar ddathlu ei phenblwydd yn 80 oed.
Os oes eraill o fewn yr ardal yn dathlu mewn unrhyw ffordd, rhowch wybod inni
Llwyddiant Dylan Aubrey
Llongyfarchiadau cynnes iawn i Dylan Aubrey yn ennill Tlws Coffa Sian Morgan Ty Cerrig am y stondin orau yn Sioe Sir, Meirionnydd a gynhaliwyd eleni ar gaeau Ty Cerrig, Ynys, Talsarnau.
Braf iawn oedd gweld i'r Sioe lwyddo, llawer iawn o bobl wedi ymweld a'r tywydd yn heulog braf. Pawb mewn hwyliau da ac wedi mwynhau. Llongyfarchiadau hefyd i Ellis Wynne Lloyd, Moel Glo ar fod yn Llywydd y Sioe eleni.
Sioe Sir Meirionnydd
Sioe Sir Meirionnydd
Meirionnydd County Show
Ty Cerrig
Talsarnau
Dydd Mercher Awst 26ain 2015
Wednesday 26th August 2015
Croeso Cynnes Un ac Oll - Warm Welcome to All
Agor Pont Briwet Newydd
Agoriad Swyddogol Pont Briwet
Ar ddydd Llun gwlyb a gwyntog, y 13eg Gorffennaf 2015 fe agorwyd Pont Briwet Newydd yn swyddogol. Gwnaed y weithred ar y cyd gan ddisgyblion o Ysgol Talsarnau ac Ysgol Cefn Coch, Penrhyn. Bu hir ddisgwyl am y digwyddiad hwn ac mae i'r ddwy ysgol ddod at ei gilydd i dorri'r rhuban yn symbol o ail agor y cysylltiad agos sydd yn bodoli rhwng y ddwy ardal.
2 lun drwy ganiatad Gwilym Phillips
Gallwn yn awr edrych ymlaen yn hyderus gan fawr obeithio y bydd y bont hon yn gyfrwng i sefydlogi economi'r ardal ac y byddwn eto yn gweld busnesau lleol a gwahanol sefydliadau a chymdeithasau yn ffynnu yn llwyddiannus.
Corau ar y Cyd
Corau ar y Cyd - Cor o Estonia a Chor Cana Mi Gei
%203.jpg)
Trefnwyd noson yn Neuadd Talsarnau nos Iau 25ain Mehefin 2015 ble daeth Cor Merched o Estonia ar ymweliad a'r ardal i rannu rhaglen a Chor Merched Cana Mi Gei - cor lleol sydd yn prysur wneud enw iddynt eu hunain. Phil Mostert oedd yn arwain y noson yn ei ffordd ddyheuig ei hun gan gyflwyno mewn mwy na dwy iaith. Treuliwyd noswaith hynod o ddifyr a'r ddau gor ar eu gorau. Roedd cyferbyniad amlwg yng ngwisgoedd y merched - Cor Estonia mewn gwisgoedd lliw golau a Chor Cana Mi Gei yn eu du trawiadol. Er mor wahanol y gwisgoedd roedd y mwynhad a roddodd y ddau gor i'r gynulleidfa yn ddi-wahan.
Yn y dyddiau helbulus sydd ohoni, braf yw gweld cerddoriaeth a chyd-ganu yn dod a phobl mwy nag un wlad at ei gilydd mewn cyfeillgarwch. Hir y pery'r cysylltiadau heddychlon hyn rhwng pobl a'i gilydd
Diolch i bawb fu'n ymwneud a'r trefnu
O'r Gorffennol
Tybed oes rhywun o ardal Talsarnau neu unrhyw un sy'n digwydd taro ar y dudalen hon yn adnabod y rhai sydd yn y llun isod?
O'r chwith, Freda Bowyer, Meira Davies cyn priodi - Meira Evans heddiw, a'r nesaf (trydydd o'r chwith) o Dalsarnau. Dyddiad y llun 1951-52 - Y Lleoliad - Coleg F. L. Calder, Lerpwl. Tybed oes na dditectifs yn yr ardal all roi enw i'r trydydd -a'r pedwerydd, os yn bosib.
Talwrn y Beirdd
Talwrn y Beirdd
Recordiwyd dwy raglen yn Neuadd Gymuned Talsarnau nos Fawrth 9fed Mehefin 2015 am 7 o'r gloch. Roedd 4 tim yn cystadlu yn rownd yr wyth olaf - Hiraethog (Ardal Dinbych) yn erbyn Bro Alaw (Sir Fon) a Chaernarfon yn erbyn y Tir Mawr (Pen Llyn). Y Prifardd Ceri Wyn Jones oedd y meuryn a Dwynwen yn cadw'r sgor a chadw trefn.
Cafwyd gornestau arbennig, cystadlu brwd a chafwyd enghreifftiau o'r llon a'r lleddf ynghyd a digon o hiwmor a hwyl gan y meuryn o'i gadair. Bydd y rhaglenni i'w clywed Sul nesaf ac yn cael eu hail ddarlledu ar y dydd Mawrth canlynol, gyda'r ail ornest yr wythnos ganlynol.
Daeth cynulleidfa dda ynghyd a phawb wedi cael llawer o bleser a mwynhad. Bu aelodau'r timau a'r meuryn a Dwynwen yn mwynhau tamaid i'w fwyta cyn troi am adref. Diolch i bawb gyfrannodd at y noson mewn unrhyw ffordd.
